التفاصيل الحقيقية لحادثة ديروط وكمان توضيح هام جدا عن محافظة أسيوط

السلام عليكم ورحمة الله وبركاته
دا موضع كتباه اختى عبير الكلمات فى منتدى تانى وانا نقلتو ليكم للفائده واحب اشكرها على الكلام الجميل دا
أولا إخوتى فى الله أسعد الله أيامكم وأوقاتكم بكل خير وطاعة تقربنا جميعا إليه وبعد

أولا أحب أوضح لحضراتكم إنه الهدف من موضوعى ده مش مجرد فتح ملف القضية اللى إتشهرت الفترة الماضية عن البنت المسلمة والشاب المسيحى أو القبطى لكن لى منها هدفين وهما

أولا إنى أوضح لحضراتكم التفاصيل الصحيحة للحادثة اللى حصلت دى وقد إيه الناس غيرت فيها وبدلت وأافت وحرفت وطبعا حضراتكم عارفين مفيش خبر بيسلم من الشائعات لغايت لما نلاقيه وصل لحاجة تانى خالص .

وثانيا أوضح لحضراتكم برضو خلفية عن الصعيد بشكل عام وعن محافظتى أسيوط بشكل خاص لأن فيها أكبر نسبة وتواجد إخوننا المسيحين علان كده هى ليها طبيعة خاصة جدا جدا .

بس ياريت الموضوع ما يتحزفش من إدارة المنتدى أو لو حصل كده يعنى يتم تنبيهى لسبب الحذف .

أولا تفاصيل الحادثة المؤلمة

الحادثة ببساطة وكما سمعناها وعرفتها صديقة لى كانت بتبلغ وقتها فى نفس يوم الحادث عن حادثة سرقة حصلت عندها فى قسم الشرطة هنا بديروط وزى ما سمعناها برضو من أغلب الناس

إنه فى بنت تقريبا سنها 16 أو 17 سنة من عيلة معروفة جدا عندنا من ناحية والدها وهى عائلة محترمة جدا لها سمعتها ومكانتها هنا فى البلد ، وبرضو من عائلة معروفة من ناحية والدتها لكن بصراحة شديدة شوية يعنى من الناس اللى العرض والشرف عندهم غال وأعتقد إنه دى صفة محمودة فى أى إنسان مش حاجة وحشة يعنى " لكن على فكرة لى توضيح بخصوص الموضوع ده بعدين "

المهم إنه كان فى شاب مسيحى وسيم وتقريبا له سمعة مش كويسة بسبب سوابق مشابهة قبل كده فى نفس الموضوع برضو وهو صاحب محل إتصالات هناك فى المنطقة اللى ساكنه فيها البنت وتقريبا فى حد كان بيدفعه أو بيحرضه إنه يغوى البنت دى ويحاول يجرها ناحيته بحجة إنه بيحبها وإنه هيدخل الإسلام ويبقى كويس وكده

" بس بصراحة سمعنا حاجة بخصوص النقطة دى أعتقد إنها غير صحيحة أو مش متأكده منها وهى إنه فى كنيسة خلف منزل أهل الفتاة وكان الأخوة المسيحين بيحاولوا إنهم يقنعوا أهلها بترك المنزل لأن الكنيسة عاوزة تضم مساحته علشان توسع مساحتها وطبعا أهل البنت رفضوا وبيقال إنه هو ده سبب تحريض الولد على العملة السودة اللى عملها مع البنت " ، طبعا بدأ الولد فى المهمة المكلف بيها وبدأ يغوى البنت وللأسف البنت إستجابت له " وهنا بقى الكارثة الحقيقية وهى فى تربية البنت نفسها وإنه هى اللى غلطانة أصلا لأنها مشيت ورا كلامه " وشوية شوية عاشوا قصة حب من بتوع أفلامنا العربى المعروفة ونجح الشاب فى إقناعها بانه بيحبها ودايب فى هواها وعاوز يدخل فى الإسلام علشان يتجوزها لكن طبعا عرفى مش رسمى .

وللأسف صدقت البنت وفعلا إتجوزوا عرفى وكانوا بيتقابلوا على فترات طبعا كان بيتم فيها كل حاجة خاصة باى زوجين ، وطبعا على الجانب الأخر بيتم التصوير لكل حاجة حصلت بينهم كل ده والبنت متعرفش أو تعرف دى بقى الناس مختلفين علشها لكن الأكيد هو إنه صور كل حاجة حصلت بينهم يجماعة من غير كسوف ولا حياء ولا غيره ، وبعدها كان المقطع ده منشور عن طريق البلوتوث ومواقع النت فى كل مكان وحصلت الفضيحة الكبرى وإتعرف الموضوع فى البلد هنا

فكانت النتيجة الطبيعية إنه أهلها من العيلتين عرفوا باللى حصل ومقدروش يستحملوا فقام أهل والدتها تقريبا أخوالها بالتوجه للبحث عن الشاب اللى أصبح زى فص ملح وداب وإختفى تماما من الساحة ، ومالقيوش غير والده اللى قال ببرود

وأنا مالى هو اللى عمل كده وبفلوسه ودى مشكلته أنا ماليش دعوة

فبمنتهى البساطة برضو فتحوا عليه البندقية الألى " اللى بتفضل تضرب طلقات مستمرة دون توقف " لغايت لما الراجل تقريبا جسمه بقى زى المصفة " مخرم يعنى " وفصلوا رأسه عن جسده وجات الشرطة والحكومة وكان موال كبير طبعا ورغم إنه الشرطة أخدت الإجراءات الرسمية لموضوع لكن كانوا على الجانب الأخر مقدرين موقف اهل البنت فى الدفاع عن عرضهم وشرفهم .

أما البنت بقى فمابين حاجتين إما إن والدتها هربتها أو أنها وضعتها تحت حماية أمن الدولة علشان ماحدش ينولها بسوء أو أذى سواء من أهلها أو أهل الولد وهى دى الحكاية من البداية للنهاية .

ده كان الموضوع لكن الشق التانى من الموضوع لسه هتكلم فيه دلوقت

أولا يجماعة خلينا نتكلم عن الصعيد عامة وقد إيه إتظلم لما الدراما التليفزيونية صورت لكل الناس إننا متوحشين ومتخلفين ومعندناش غير التار ولا العار يولد ..... ومتفلش معايا أمال يبوى وكل الحاجت دى و لو هتلكم فى الموضوع ده مش هخلص وعلشان كده هنزله فى موضوع مستقل بذاته فى القهوة .

أما بقى عن أسيوط محافظتى الجميلة ، أسيوط ياخوانى هى محافظة فى قلب الصعيد بالظبط لأنها جغرافيا تتوسط منطقة الصعيد أو جنوب مصر واللى المفروض إنها بتبدأ من الجيزة وتنتهى عند أسوان يعنى أسيوط فى قبلها أربع محافظت من الشمال للجنوب هما " الجيزة بأثارها المعروفة والفيوم بلد الجمال والطبيعة وبنى سويف والمنيا عروس الصعيد زى ما بنقول عليها "

وبعدها برضو أربع محافظات هما " سوهاج عروس النيل وقنا من أجمل محافظات الصعيد والأقصر وأسوان طبعا فى غنى عن التعريف لأنهم من أشهر البلاد السياحية فى مصر "

المهم أسيوط بقى فى النص بالظبط وهى للعلم من أكبر محافظات مصرمن ناحية نسبة الإخوة المسيحين فيها ، وكمان فيها مجموعة معروفة قوى من الأديرة والكنائس العتيقة والمعروفة تارخيا كمان هنا واللى تعتبر رمز للحضارة القبطية فى مصر قبل ما تكون رمز دينى للتعبد عند إخواننا المسيحين ، أشهرهم الدير المحرق فى مركز القوصية واللى مرت عليه السيدة مريم وإبنها المسيح عليهم السلام ومكثت فيه فترة ما يقرب من ستة أشهر تقريبا .

أسوأ حاجة حصلت فى الموضوع ده يجماعة مش حادثة البنت نفسها لأ دى فى الفتنة الطائفية ، لأنه دى حالة فردية بنت مسلمة مش متربية صح ، وشاب مسيحيى متعصب أو متعنصر أيا كان صفته ، يعنى ده مش رمز للدين نفسه ودى كارثة إنه الدين يتاخد بافعال أفراد أو أشخاص بعينهم ، وطبعا بدأت تنبش نار الفتنة هنا وبدت واضحة فى المشكلات اللى حصلت لبن عدد من المسيحين والمسلمين على حالات متفدرة ده غير طبعا نظرات كلواحد للتانى وربنا يكفيكم شر المتعصبين من الطرفين واللى مش هريتاحوا غير لما يولعوها علينا فى مصر .

طول عمرنا بجد عايشين أو متعايشين فى مصر كلها وفى أسيوط بالذات مسلمين ومسيحين مع بعض الشارع الواحد فيه جامع وكنيسة مع بعض وكمان فيه بيت مسلم أو مسيحيى جنب بعض مدارسنا وفصولنا فيها صفين مسلمين وصف مسيحين خلاص دى حاجة إتعودنا عليها مش بس كده لأ ده بجد فى نماذج رائعة للتعايش الحقيقى واللى بجد بين المسيحين والمسلمين هنا وده مش كلام من بتاع التلفزيون أو لإظهار روح الوحدة الوطنية فى مصر لكن بجد والدتى كان ليها صديقة مسيحية بجد كانت كويسة جدا جدا وكنا بنزورهم فى بيتهم وعمرى ما حسيت بفرق أو كلفة بينا وبينهم خالص وكمان لسه ليا أصحاب مسيحيات حتى الأن لما بنشوف بعض بنسلم ونتكلم رغم مرور سنوات على تركنا للمدرسة الثانوى وإفتراقنا فى الكليات ، والأغرب عمى "رفعت" المسيحيى اللى بيشتغل مع عمى من أكتر من تلاتين سنة وماشيين مع بعض فى كل حاجة ولا عمرهم إفترقوا عن بعض لأى سبب ، أنا شخصيا عايشة فى منطقة فيها الروح دى بجد وقدام بيتى من اليمين كنيسة معروفة جدا هنا فى ديروط ، ومن أول الميدان فى أكبر جامع فى ديروط وإتعودت أسمع الأذان كل يوم خمس مرات مع الصلوات، وكمان أسمع جرس الكنيسة كل يوم أحد والترانيم فى أغلب أيام الأسبوع وناس كتير بستغرب قوى على كده لكن أصبحت دى حاجة عادية جدا وفى نماذج تانى كتير للتعايش بينا وبينهم طالما كل واحد ملتزم بحدوده يبقى كما قال تعالى " لكم دينكم ولى دين " ولله الحمد قليل قوى لما بتحصل مشاكل بين مسيحين ومسلمين هنا فى البلد ودىمن نعم ربنا علينا وعلى مصر كبها واللى المفروض كلنا نشكر فضله علينا بيها كل ما نشوف بلد زى لبنان أو العراق أو غيرها من اللى الفتنة الطائفية خلاص بهدلتهم ومخلياهم مش عايشن فى أمان ولا إستقرار ولا أى حاجة .

معلهش لو طولت على حضراتكم لكن بجد اللى طلعت بيه من الموضوع ده هو

أولا نربى بناتنا صح ونصاحبهم أو على الأقل نقرب منهم سواء كنا صعايدة أو من أى مكان تانى علشان ما يحصلش زى اللى حصل ده تانى وبدل ما بناتنا يطلعوا يحبوا ويدوا مشاعرهم لناس بره نديهم إحنا الحنان والعطف والحب الكافى اللى يشبع عندهم الجانب العاطفى وميخليهمش فريسة سهلة لأى حد زى ما حصل مع البنت فى الحكاية دى

وثايا إنه التعصب الدينى ده من أسوأ الحاجات اللى ممكن تكون موجودة فى شخص واللى بسببها ممكن تتخرب بيوت وكمان يضيع أمن بلاد بحالها فربنا يكفينا شره وشر كل المتعصبين يارب .

وأخير إننا بجد فى نعمة وهى التعايش مع بعض كطوائف مختلفة مسلمين ومسيحين فى بلد مسلم واحد ودى بجد نعمة كبيرة قوى مش هيقدرها غير اللى إتحرم منها زى البلاد التانية وربنا يديمها علينا .

دمتم فى رعاية الله وحفظه .

</TD></TR>
<tr><td class=postbit-right align=left colSpan=2>
</TD></TR></TABLE>

شكرا على الموضوع المتميز .. واعجبني التحليل للواقع الحالي والتشخيص الجيد للمشكلة
واحب اقول اننا لازم كلنا مسلمين ومسيحين نكون صف واحد ضد الفتن والعنف والطائفية ولازم نتعلم فن التحاور وفن النقاش والتعايش مع الاخر من اجل بلدنا الحبيبة . فكلنا تحت لواء واحد وعشق بلد واحد هو مصر وهناك دول اوروبية عديدة تجمع العديد من الجنسيات والديانات والقوميات المتفرقة والمختلفة لكنهم يعتبرون ذلك نوع من التنوع الذي يؤدي الى الثراء والقوة .. اذن لابد لنا جميعا ان نؤمن بهذه النقطة ولاننجرف وراء كل مايؤدي الى الفتنة واتمنى ان نأخذ من كل ماحدث دروسا نستفاد منها

مشكور بجد على مرورك وعلى ردك الاكثر من رائع

شوفو ولاد الكلب بيعملو ايه

» فيديو هاجر بنت ديروط وفيديو مقتل ملاك (مغتصب هاجر بنت ديروط ):: مشاهده مباشره :: وتحميل بحجم 3 ميجا
» حيلهم بينهم كمان وكمان
» مقتل 5 من أسرة واحدة في انهيار منزل بقرية كوم يعقوب في محافظة قنا 2/21/2009 12:59:32 pm
» التواضع.. سر سعادتكِ الحقيقية
» من اروع القصص الحقيقية