السلام عليكم ورحمة الله وبركاته
بص يا بسام
اولا اللهم امين ويارب اشفى كل مريض
ثانيا مش موضوع شفقة والله عن نفسى
انا دايما بحب يكون المريض قوى
وكل مازاد مرضه عليه كل ما انا احاول اقويه
بمعنى
انى مش بفضل ابكى قصاده
ولا افضل اتكلم عن مساوئ مرضه وانه متحمل كتيييييير وياعينى ويا حرام وكده
لالا ابدا
انا بصغر الامور فى نظره
وبقوله انت ارحم من غيرك
وافضل اجبله نعم كتير فيه ومش فى غيره
وافضل اجيبله ابتلاءات فى الناس ومش فيه
تلاقي الامور هديت قوى عنده
لا وايه
تلاقيه بيحمد ربنا والله والله عن تجربة
اى مريض او مبتلى اكلمه واهون عليه مش اسمع منه غير الحمدلله
وكمان برضا والله
كمان انا مش مؤمنة بحكاية ان فى مرض خطير ومرض بسيط
وان فى مرض يموت او كده
اعرف واحد فى رمضان مات ع الفطار
شرق وجه يشرب مايه مات
من غير مرض ولا حاجة
عرفت ليه؟
عشان قدره
اجله
لذلك انا اللى مؤمنة بيه هو الله
وامره اللى بين الكاف والنون
لو بموت انا من مرض وفى لحظات الموت
وربى قال كن فيكون
انتهى الامر
هيرجعلى عمرى تانى
هو المالك
وهو صاحب الملك
بالتالى الامراض لا تعنى اى شى اطلاقا
نصيحة منى
اللى يحس بتعب يكشف
لكن الاهم انك تعالج نفسك
وخلى الكشف بجانب علاجك
العلاج
هو
الصدقة
الرقية
العسل
حبة البركة او الحبة السودا
وحاول لو عندك حد مريض انك تعمله كورس علاج بالرقية
ايوة والله ارقيه
مش تقول مش اعرف
ده مش تخصصى
اللى بيرقى بيقول كلام ربنا
وانت كمان مش هتقرا من الانجيل
انت هتقول برده م القران والسنة
وطبعا ممنوووووووووووووووووووع الشفقة ع المريض
حاول تقويه وتعرفه انه احسن من غيره
طولت عليكم كالعادة
اترككم فى حفظ الله
السلام عليكم ورحمة الله وبركاته