1-حبيبتى انتى عارفه انا مش بحب حركات الشباب الطايش انا اصلا مبكلمش بنات
(وتلاقيه يعرف طوب الارض )

2-يااااه ياحبيبتى انا حاسس انى اعرفك من زمان
(وهوا تلاقيه متلخبط بينها وبين بنت كان يعرفها قبل كده)

3- حاسس ان فيكى حاجه غريبه غير كل البنات
(اكنها مثلا بتمشى على ايديها ورجليها )

4-انا حاسس ان فى شبه كبير بين افكارى و افكارك احنا اكيد
مخلوقين لبعض
(اكيد دى البنت رقم 100 اللى بيقولها كده
وكأًن كل بنات الدنيا مخلوقين عشانه)

5- حبيبتى انتى اول حب فى حياتى وانا حاسس انى اتولدت يوم ماقبلتك
(على أساس ان والدته كانت حامل فيه 20 سنه وولدته قبل مايقابلها بيومين )

6-يااه يا حبيبتى انتى تؤمرى وانا انفذ اللى انتى عايزاه اجبهولك
(فى المشمش)

7-حبيبتى الطقم اللى انتى لبساه ده تحفه بس متلبسهوش تانى عشان بتبقى حلوه وانا بغيييييير بغيييييييييير
(طبعا فاهمين الحركات دى تلاقيه مش عاجبه اساسا)

8-هكلم باباكى اول ماكًون نفسى
(موووووووووووت يا حمااااااااااار)

9-عايز اشوفك كل يوم كل ساعه كل ثانيه
(عشان اصحابه يتأكدو انها حلوه)

10 حبيبتى افتكرى دايما انى لما بحب بحب بجد وانا حبيتك بجد من اول ماشوفتك وكنت بدور عليكى من زمااااااان (بففففففففف الاسطوانه المشروخه)

11-انا علاقتى بيكى محدش يعرفها غيرى و غيرك و ربنا لانك بقيتى كل خصوصياتى
(يعنى يا دوب اللى يعرفو اخواته و اصحابه و جرانه وقاريبه وصحاب صحابه.....الخخخخ)

12-معلش ياحبيبتى مش هقدر اعدى عليكى بالعربيه النهارده علشان هيا فى التوكيل
(طبعا عارفين شويه الفشخرة دول وهوا اساسا ماعندوش عربيه و اكيد ماعرفش يزوغ بعربيه باباه )

13- ياحبيبتى انتى بتتكلمى فى أيه انا كل عطورى من فرنسا
( ايوه زغلل عنيها ياواد)

14-ياه لما بشوف رقمك على الموبيل قلبى بيتنفض (طبعا من الخضه انها تكون فأسته)

15-فلان قالى اديله رقمك بس انا قلتله اقتلنى قبل ماتاخد رقها منى
(ياااااه على التضحيه وهى ياعينى رقمها مع مخاليق ربنا كلهم)

16-حبيبتى عايز صورتك عشان قبل مانام اشاهد فى جمالك واحطها تحت المخده
(لا وهو الصادق عشان لما يتخانقو يهددها بيها)

17-اسف يا حبيبتى امبارح مقدرتش اكلمك كنت مشغوووول فى المذاكره
(قصده معهوش فلوس او مشغول مع واحده تانيه)

18-اسف يا حبيبتى انى مقدرتش اجى فى المعاد امبارح كان عندى ظروف صعبه
(معزور الولد افتكر معاد البنت التانيه اللى بقاله 3 اسابيع مأجله)

19-عارفه يا حبيبتى انا طول الليل منمتش قاعد بفكر فيكى
(بس على ميين ترد عليه تقوله اومال مين اللى كان نايم و مبيردش على التليفون؟ بس كالعاده الرد جاهز............ياااه انتى تقصدى الخمس دقايق اللى نمتهم دوول؟دول من كتر التفكير فيكى جالى غيبوبه)

20-عارفه يا حبيبتى انا اصلا مش بفتح الماسنجر الا لما بتكونى موجوده اصلاالنت من غيرك ما يسواش
(يقصد مش بيفتح البلوك عنها الا اما تكون هيا بس الى اون لين عنده)


عشر جمل جداد الولد بيقولهم للبنت بس لما يزهق منها وينفصل عنها لما يشوف واحده احلى منها



1- حبيبتى انا ماستهلكيش
(هيييه وهوا ده حال الدنيا , الولد بيضحى علشان الدكتور قالوه هاتموت الاسبوع الى جاى فامش لازم يعذبها معاه )

2- انا بعمل كده علشانك انتى
( ايوه ماحنا عارفين باباها قالو لو ماسبتهاش هاحرمها من الميراث )

3- انا هاسيبك علشان مش عاوز اى حد يتكلم عليكى نص كلمه
( ياراجل وانت لسه فاكر دلوقتى مالبنت اتشحورت والحمد لله بسببك وخلاص الى حصل حصل)

4- انا مش عاوزك تزعلى مينى
(يارااااجل وانت لما تسبها هاتعمل فرح وتدبح عجلين يعنى ؟!لا والنبى هاتزغرد لولولولى الواد سابنى انا فرحانه )

5- انا هاهاجر ومش عارف هارجع امتى
(طب ماتخدها معاك يامعلم ولا هيا حجج وخلاص)

6- أنا مانفعش ارتبط بواحده مشيت معاها
(ياراجل ان شاء الله ربنا هايكرمك وترتبط بوحده مشيت مع نص شباب شبرا ومصر القديمه كمان )

7- انتى احسن حد عرفته فى حياتى بس مش هاينفع نكمل
( ترد هيا بقى وهيا بتعيط ئهئ ئهئ ئهئ ليه ليه ليه .. يقولها علشان خطرى انا ماستحملش دموعك ... وبرده مايقولهاش)

8- انتى اكتر حد حبيته فى حياتى بس برده زى ماقولتلك مش هاينفع نكمل
(لا تعليق)

9- حبيبتى انا اكتشفت ان مافيش مابينا حاجه متشابهه
(لأ بجد....بألو سنتين ماشى معاها وبعدين لسه مكتشف ده , الظاهر عليه كان بيكتشف مقبرة جديده فى اسوان ولا حاجه)

10- والله ياحببتى انا مش وحش وبلعب بمشاعر البنات زى مانتى فاكرة بس هوا ده نصيبنا
(لا ماهو واضح)
منقول للافادة
تحياااتى احمد

ههههههههههههههه
هههههههههه
بجد يا احمد انا مش عارفه اقول ايه
بس مشكور على المجهود الرائع ده

ههههههههههههه

بجد ما تقليش حاااااجة يا منى يكفى انى اول شخض يرد على الموضوع

بجد يا noor انا مش عارف اقلك اية
الدنيا فى الحلو و الوحش و مش كل الناس زاى بعضها بس بجد فى ناس طيبين بجد و بتحب بجد و اصدقاء اوفياء و احباب يصونو حب غيرهم بس هوا ديمأ الحاجة الوحشة بتعمل انطباع سىء على الحلوة
بس بجد مش كل الشباب زاى بعضها فى شبااااااب كتير جدأ جدأ هويتهم التسلية و اللعب بى مشاعر البنااااااات و الاغرااااء و برضة فى بناااات بتعمل كدااا برضة بتتسلة و بتعيش حيتهااا
بس دة يرجع للتربية و الاخلاق و برضة فى شباب و بنات كتير بيكونو جد فى كلامهم و تصرفتهم
نصحتى ليكى بجد انك تفكرى ديمأ بعقلك مش بقلبك على شان القلب ديمأ بيتخدع من الكلام المزوق و المرموق بلمغزلة و الاحاسيس اللطيفة
و ياريت تعيدى تفكيرك
و تقليلى بصراحة انتى لية مش بتثقى فى حد
و الشاب المحترم بجد بيحاول يحافظ على البنت اليعرفهااا و كمان بيباااان من افعالة تحسى انة خايف عليكى اكتر منة ,,,,,,,,,,,,,,,وحجات كتير اوى عوزة موضوع لوحدة

اسف لو طولت عليكم

ان الانسان يولد وهو يبكي *** والناس من حوله يضحكون



وان الانسان يضحك وهو يموت*** والناس من حوله يبكون





*************************



بعض الرفاق مثل التّاج تلبسهم*** وبعضهم كقديم النّعل ترميهم



*************************



تنطوي اليد يتحطم القلب توقد شموع وتزرف دموع يذهب النّبض



ومن اين الرّجوع وجرح الفؤاد كما تراه عميق نزيف به وتوجّع و



حريق .




تحياااااااااااااااتى للجميع
احـــــــــــــــــــــمــــــــــــــــــد

اكيد طبعا يا نور




يس مش اوى كدا


انا بهزر انا بستفيد منك كتير الصراحه مش منك انتى بس كل اعضاء المنتدى

بجد يا noor تسلم اديكى على الرد الجميل و ياريت تفدينا اكتر و اكتر ان شاء الله
الواحد بجد مش عارف يقول اية بعد الانتى قلتية مشكورة


ذات مرة وقع طائر في غرام وردة بيضاء فقرر ان يصارحها بحبه ولكنها رفضت وقالت انا لا احبك فظل يصارحها
بشكل يومي واخيرا قالت له الوردة البيضاء عندما يصبح لوني احمر سوف احبك .. وفي احد الايام اتى الطائر وقطع
جناحيه ونشر دمه على الوردة فتحول لونها الى الأحمر فأدركت الوردة كم احبها الطائر لكن الوقت كان قد فات
لان الطائر قد مات لذلك علينا احترام مشاعر الشخص الذي يحبنا وسيظل يحبنا مهما مرت الايام قبل ان يموت
تحياتى للجميع

مشكورة منى كتيييييييييييييييييييييييييير وانا والله بستفاد منكم كتير

الحمدلله اننا شباب وعمرنا صغير بس بنفيد بعض ومش بنئذى بعض

الحمدلله

ومشكوووووووووووووور كتير احمد وقصتك روعة ومواضيعك اروع

ربنا يبارك فيك وينفع بيك

على فكره مش كل الا بيقول الكلام دهيبقى بيكذب لاء فى ناس بتتكلم جد وحب بجد وبيكون احساس جميله قوى ليه كده انا معاكوا ان ممكن يكون كان كده الاول بس ممكن الانسانه الا هى حبيته تقدر تغيره ويقول الكلام ده بجد