السلام عليكم ورحمة الله وبركاته

ازيكم يا جماعه واحشنى المنتدى
انهارده معاية موضوع يمكن يكون مش جديد
لكن فى نقطة واحده جديده

موضوعـــــــــــى

خاصة مثلا لو كنت عريس او عروسة وهتجيب مكتبة للكتب
وطبعا ممكن لو وانت فى بيت اهلك دلوقتى ايه المانع
وايه المانع برده لو الوال والوالده هما اللى عملوا المكتبه دى؟
المهم كلنا نستفاد

هقول حاجتين
1- اللى انت بتعمله
2- العائق
3- اللى المفروض يتعمل


1- اللى بتعمله
انك بتجيب مكتبة وتجـــــــــرى قوام وتشترى كميه الكتب الكبيــــــــــرة دينية عشان تملا المكتبه- طبعا عشان متبقاش فاضيه- وتجرى تشترى سى دى او شرايط دينيه
عشان تحطهم فى المكتبة وبعدين ترصهم وبعدين تبعد عن المكتبه مشافة متر كده وتبص على المكتبة وانت فرحان انها شكلها بقى حلو لما خلصت وكمان فرحان انك انجزت وحققت اللى بتتمناه ان يكون عندك مكتبة

2- العائق
هى ظروف الحياة والشغل والتعب والنوم والاكل والكمبيوتر والاهل والاصحاب وما شابه
وده شئ محدش يقدر يمنعه
وكده مش هتقدر تقرا كل اللى فى المكتبه

3- اللى المفروض تعمله
تجيب المكتبه
تنزل تشترى كتاب واحد بس وتحطه فى المكتبه
وتقرا الكتب كويس جدا وحطه فى المكتبه
وهنا هتكون ناوى انك تملا المكتبه

بمعنى
متحطش كتب فى المكتبه الا اما تكون قريته

واحد هيقولى طب ما ممكن حد يقرا الكتاب بسرعه ويحطه ويجيب غيره وهكذا
هقولك حاجة
1- انت بتغش نفسك
2- فى شرط للقراءة وهو انك تكتب ورقه وتدبسها فى كل كتاب تقول فيها انت استفدت ايه من الكتب ده

يعنى الامور مش تكون عايمة

متنسوش ان فى المكتبه لما تكون كامله انت كده مش عندك هدف خالص
لكن لما تكون فاضيه كده هيكون هدفك تملاها وطبعا بعد ما تقرا كويس
وطبيعة الكتب لا تكون دينية فقط بل اجعلها دينينه فى المقام الاول وكمان باقى العلوم يعنى خليك انسان مطلع على كل شئ عندك علم وثقافه

مجرد خاطر من خواطرى
واتمنى يفيدكم بجد
وياريت اللى يبدأ ويستفاد يقولنا ويبلغنا
عشان يشجع غيره

ياريت يا جماعه اللى يعرف كتب كويسه يكتبها ويكتب اسمها واسم المؤلف
أختكم فى الله
السلام عليكم ورحمة الله وبركاته